-->

شعر وزجل بالدارجة المغربية في قالب فكاهي ومضحك

انه زجل مغربي رائع في قالب ساخر

وكتب بالدارجة المغربية

ولكنه يبقى زجل في غاية الروعة

وقد أعجبني ونقلته إليكم

من وسائل التواصل الاجتماعي

ومن هذا المنبر نوجه الشكر الجزيل لكاتبه

الذي أتقن في صياغته...

فقط للمرح والضحك:

عيشة قنديشة

غلات البطاطا والبصلة ومطيشة

سعداتك يا من خديتي مرة درويشة

راضية بالقليل تحلا معاها العيشة

خلات عليك يا من خديتي مرة هيشة

تاكل او تسرف اوفصالتها كيف الخنيشة

الدرويشة خفيفة عالخاطر كيف الريشة

او الهيشة جعواقة تشدك معاها التبوريشة

او عظامك تصبح بسبابها هشيشة

لي خدا ديك الهيشة

عيشتو ما هيا عيشة

يقدر يتبلى بالشيشة

و للا ينسى الواقع بالحشيشة

و لكن مع الدرويشة

تقدر تعيش بلا تغوبيشا

تاكل زويتا و تصنت لرويشة

قانعا بللي قسم الله بحال لمشيشة

يدوز الشهر كيتبسم بلا مضاربة وللا تريشة

و مفوجة عليك بحال لمشيميشة

و الهيشة... باغيا تلبس طريبيشا

و شعكاكتها طايرا لسما..

 ما تقول غير عيشة قنديشة.

ــــــــــــ

المصدر: نقل اليكم بتصرف من الفايسبوك.