نكت مغربية ونكت المكلخين والاغبياء
------------------------
1
قال لك هدا وحد غبي قال:
يا رب ندير يدي في جيبي نلقى 20 درهم
ملي قلب جيبو لقاه متقوب
وهو يرجع يقلب لتكون طاحت.
------------------------
2
قال ليك هادو واحد جوج باغين يهربو من الحبس
واحد جا عند لاخر
وفي الباب ديال الحبس غادي نلقاو العساس نضربوه ونهربو
إيوا جا الليل نقزو السور الاول أو هرسو الباب
ملي وصلو لباب الحبس لقاو الباب محلول والعسساس ما كاينش
وواحد فيهم قال لصاحبو:
يلا نرجعو الخطة فشلات ما كاينش العساس.
------------------------
3
واحد طلع لطوبيس شرا جوج ورقات
قال ليه للي كيقطع: علاش شريتي جوج..
قال ليه: ملي تطيح ليا ورقة تبقى عندي ورقة
قال ليه: وملي يطيحو ليك بجوج
قال ليه: عندي لكارت ديال الطوبيس.
------------------------
4
قالك هاد واحد دري سيفطاتو مو باش يجيب ليها العدس
من تم مشى ما عاود جا...
دازت 3 شهور هو يجي عندها صاحبو
وهي تحل ليه مو
وقاليها: فين اهو ولدك ما بقاش كيبان لي.
قالت ليه: اولدي راه داك نهار سيفطو يجيب لي العدس من تم مشا مارجع
هو يقول ليها: اهاه او اشنو درتو
قالت ليه: اش غادي نديرو اولدي كاع، درنا اللوبيا...
------------------------
5
مرة واحد سول صاحبو: أشناهي سمية رونالدو؟.
قاليه :صالح.
قاليه: كيفاش عرفتي؟
قاليه سمعت المذيع فالتلفزة كايقول: مخالفة لصالح رونالدو.
------------------------
6
هادا واحد قال لصاحبو: كيكانديرو نصايدو لوكنايان -الارانب-
قال له صاحبو: بزويجة ولا نديرو فخ.
جاوبو: وا لا اصاحبي راه كانعسو على الارض ونقلدو صوت خيزو.
------------------------
7
في المدينة ديال المكلخين
طاح واحد الراجل فدروج
مشا لطبيب عطاه pommade
وقال ليه: دهنها في البلاصة اللي طحتي عليها
ومشى دهن الدرجة اللي طاح منها.
إرسال تعليق