نكت مغربية حول الاستاذ والتلميذ: الجزء الاول
الاستاذ والتلميذ: نكت بالدارجة المغربية
-------------
قاليك هدا واحد المفتش مشا لواحد المدرسة غي ديال المكلخين. المفتش دخل القسم وهو يسول واحد التلميد فالطاولة الأولى: من قتل عثمان بن عفان؟؟ التلميد بدا كيبكي والله ما أنا. المفتش طلعلو الدم و قال للمعلم شنو هادشي. وهو يدور فيه المعلم قالو: مالك واش شكتي فيا ولا شنوو....... المفتش طالع ليه الدم، مشا عند المدير. قالو شنو هاد المستوى عندكوم. سولت التلميذ من قتل عثمان بن عفان بدا يبكي ويقولي والله ما أنا. المعلم ملي قوتلو شنو هادشي قالي: مالك واش شكيتي فيا. وهو المدير يدور قالو شوف أسي المفتش أنا راني 10 سنين فهاد المدرسة راه عمر الرووح ما طاحت هنا.
-------------
واحد الكسول طلع المعلم الدم وهو اطردو... الغد الاخر جا مع باه... المعلم بدا تيشرح للوالد بان ولدو مكلخ... وغادي نجربو قدامك باش تأكد... المعلم عييط على الكسول قدام باه وقال ليه: سير اولدي قلب على باك وعييط ليه راهوا في القاعة10... مشا الكسول ورجع وقال للمعلم: ماكينش استاذ... ناض بات الكسول وهوا اسرفاق ولدو وقال ليه: الحمار الا مالقتيه في القاعة10 سير قلب عليه في القاعة20
-------------
قال ليك هادا واحد الاستاد رسم للتلاميد ضفدعة وقال ليهوم اش هادي. وهو ينوض واحدالكسول للسبورة وهو يقول ليه هادي جرانة، قال ليه الحمار هادي راه ضفدعة، وهو يرجعداك الكسول لبلاصتو وقال لصاحبو العجب كاتبان من البعد بحال شي جرانة.4** قال لك واحدة وصلتللقسم معطلة..قاله الاستاذ" أش هاد التعطال؟..جاوباته: كان تابعني واحد كيبسال علي...ا قال لها الأستاذ: إيوا راه خاص توصلي بكري ماشي تعطلي!!! جاوباته: لااا..راه كان كيتمشى بشويا
-------------
قال ليك هذا واحد الاستاذ قال لتلاميذ ديالو: لي سولتو اوماجوبش يعطني 50درهم ولي سولني اوماجوبتش نعطيه 100درهم اوهو ينوض واحد الكسول قاليه: (شنهيا الحشرة لي عندها 9999999رجل ؟؟؟) بدا كيفكر اهوا يقول ليه معرفتش هاك 100درهم. قول ليا انت شناهيا؟؟ اوهوا يجاوب الكسول: تاانا معرفتش هاك 50درهم
-------------
هدا واحد البقـال كيقرا فمحو الأمية سولو المعلم قال ليه 60+60 شحال كتساوي قال ليه البقال 120 أو هو يقول ليه المعلم مالك البارح قلتي لمفتش 140 أو هو يقول ليه البقال راه زدت عليه حيت هو ماشي من لكليان ديالي..................هاهاهاهاهاهاهاهاهاها
-------------
قالليك هدا واحد المعلم كيسول التلاميد كيقول ليهم باكم فاش خدام باش جيبوا ليه التدويرة وصل عند التلميد الاخير منو الحيط قال ليه باك فاش خدام قال ليه كيلعب البوكس قال ليه لا اولدي مع لي وراك
-------------
هدي واحد المعلمة سولت تلاميد نتاعها على عاصمة امريكا(u.s.a)وحتى حاد معارفو واحد الكسول جالس فتالي شاف واحد العرس وقالها معلمة واشنطل (واشنطن) وهي تقوليه حسن جدا ههههههههه
-------------
قال ليك هذا واحد تلميذ دخل معطل للقسم والاستاذ سولو قال ليه علاش تعطلتي قالوالتلميذ الواليد كان كايضرب الواليدة وهو يقوليه وانتا مالك وهو يجاوبو التلميذ راه كان كيضربها بصندالتي.
-------------
واحد معلم فواحد القسم ديال الكسالى رسم لهم ضفدعة حداها رقم 1 ..كل واحد كيف تتكون اجابتو"ظفدعة و1ٍٍ" ."1+ضفدعة"...في ألأخير ناض واحد الكسول اجاوب وقال: ضفدعة عشر.
تعليق واحد